Nich argern - blots wunnern

Een Feernseher, over dree Feernbedenen dorto? Dien Telefonanbeeder hett di ut Versehn vun'n Rest vun
de Welt afknippst un du hest söss Weken keen Telefon un keen Internet?
Oder den Urlaub gifft dat nich wegen enen ne'en Virus? Man kunn sik jümmer blots argern, mutt man over nich...
Renate Kiekebusch hett för dat een oder annere Problem jümmers enen plietschen Utweg... Un... ene Krüüzfohrt moken kann man ook tohuus!

Renate Kiekebusch is en plattdüütsche Schrieversche. Kiekebusch is 1961 boren un as Dochter von en Koopmann in Basdaal opwussen. Se weer op dat Gymnasium Bremervöör un hett na de School en Lehr as Bökerhökersch in Stood mookt un över dörtig Johren in düssen Beroop arbeidt.
Blangen plattdüütsche Böker schrifft se ok för de plattdüütsche Kolumne in dat Stader Tageblatt un wiest Gäste Stood un dat Oole Land. 2012 hett se för ehren Text 'Auf den Spuren der Familie - eine Reise nach Stuhm' den Stuhmer Kulturpries kregen, de von'n Landkreis Rodenborg vergeven warrt. Se leevt in Düünbeudel un ok ehr Böker hannelt faken von dat Leven in Düünbeudel.